هيعرفونا ازاي نبعد عن البرامج المشتته للانتباه غير انهم هيعرفونا ازاي نهكر الوقت😅
تقريبا كده احنا كلنا مشغولين مشغولين بايه بالحاجات اللي المفروض نعملها الحاجات دي كلها بتضغط علينا وبتخلينا متوترين
وغير كده بيكون معانا رغم كل الضغوطات مصادر الالهاء زي المشتتات والاخبار وغالبا بتكون في تطبيقات التواصل الاجتماعي اللي
هي من الاساس بتتنافس ازاي بيسرقوا وقتنا 🕣
عشان كده احنا خلاص بقينا على هذا الحال ان احنا نكون مشغولين على طول وعلينا تراكمات من المهام اللي مش بتخلص
ومش بنعرف نخرج من التطبيقات المختلفه اللي بتسرق وقتنا طب نعمل ايه عشان الوضع ده يتصلح وازاي نغيره ونخلي المهام بس هي اللي تتعمل
الاول ويكون في وقت لكل حاجه زي ممارست الهوايات او التفكير او ان احنا نخلص خططنا المستقبليه طب هنعمل ده كله ازاي اكيد مش بالاراده وبس
هنغير نظامنا لنظام جديد اسمه اصنع الوقت ده اللي كتابنا استخلصوه من تجاربهم الشخصيه دي غير الكتب الكتير اللي قراوا عنها وكمان
عملوا تجارب على مجموعات عمل في شركات زي جوجل وغيرها النظام بيكون على اربع خطوات وبس تعالوا نشوف الاربع خطوات دول ايه
طبعا احنا في بدايه كل يوم بنصحى واحنا مش عندنا اي اهداف لليوم اللي يجي على بالنا بنعمله وده نظام غالب على الكل وطبعا ده في النظام القديم احنا حاليا بنتكلم على نظام جديد خالص تماما عشان كده اولى الخطوات في نظام اصنع الوقت هي تحديد الاهداف
وهيكون في طريقه مبتكره وهي ان احنا نحدد هدف واحد اليوم يكون هو الاساسي ولو خلصنا الهدف ده نعمل اهداف الثانيه طبعا ممكن تكون عندنا مشكله في ان احنا نحدد الهدف عشان كده في ثلاث طرق لتحديد الهدف اولا لازم يكون الهدف عاجل وملح او بيحسسنا بالرضا عن نفسنا وكمان يكون هدف ممتع ممكن نحس ان الهدف ده تضيع للوقت ولكن تضيع الوقت اللي بجد هو ان احنا نضيع الوقت بلا هدف
هنعمل ايه بقى عشان نحقق الهدف الاساسي لليوم اولا نخلي الهدف يحتاج من 60 ل 90 دقيقه وهنقسم الهدف لاجزاء على مدار اليوم ويا سلام بقى لو كتبنا الاهداف في نوت صغيره مع تحديد وقت محدد واخيرا نرتب الاولويات وترتيب الاولويات ليه اشكال مختلفه
اولا قائمه مهام محتمله يستخرج منها قائمه اهداف او ان نقسم القائمه لاربع اجزاء الاول يكون الهدف الاساسي الجزء الثاني احط فيه الهدف رقم 2 الجزء الثالث بحط فيه باقي الاهداف ام الرابع اسيبه فاضي للافكار نيجي عند الشكل الثالث نقسم الورقه لثلاثه اعمده اول عمود يكون فيه الهدف والوقت بتاعه ثاني عمود يكون فيه ايه الواقع اللي حصل اخر عمود هيكون التعديل اللي هيحصل على الهدف
بعد ما عرفني ازاي نحدد الهدف نيجي للتنفيذ اول ما نبدا تنفيذ الهدف هنلاقي في تشديد صخر عشان كده ثاني خطوه في نظام اصنع الوقت
هي التركيز التام
طب نعمل كده ازاي في الاول قبل ما نستخدم اي اي ابلكيشن لازم اسال نفسي ثلاث اسئله اولا ليه بستخدم الابلكيشن ده لو كان لي شيء مفيد او شيء ضار ثاني سؤال الوقت استخدمه قد ايه ثالث سؤال مواعيد استخدامي لهذا تطبيق ثاني حاجه بقى نعملها بلاش بلاش سوشيال ميديا في الصباح عشان عندها القدره انها تشتت تفكيرنا باقي اليوم وتالت حاجه لازم نتاكد اننا لغينا كل الاشعارات ما عدا المهم منها اللي بنبهنا لموعدنا وغيره واخيرا امسح اي ابلكيشن مش محتاجه
هنروح عند ثالث خطوه في نظامنا وهي تجديدالطاقه
لو عرفنا نجدد طاقتنا ده بيخلينا نوفر وقت كان هيروح مننا بسبب التعب طبعا كلامنا هيكون حاجه بسيطه وسهله مش صعبه خالص هم ست خطوات لو مشينا عليهم هنجدد طاقتنا بكل سهوله وهنوفر وقت لينا كمان
اولا الحركه لازم نتحرك حتى لو تمرين بسيط في البيت لمده 20 دقيقه ونمشي كتير ونتحرك
ثاني حاجه الاكل الصحي لازم نبعد عن السكريات لانها بتجهدنا
ثالثا اختيار وقت مناسب لشرب القهوه بمعنى لو انا صحيت الساعه 5:00 يبقى اول فنجان قهوه من 9:30 الساعه 10:30 وثاني واحد بيكون من الساعه 1:30 للساعه 2:30
رابعا انه وده اهم حاجه ان احنا ننام كويس عشان نعرف ننام بسهوله لازم الضوء يكون بعيد عن الاوضه اللي احنا بنام فيه والمكان اللي احنا بنام فيه يكون مخصص للنوم وبس
خامسا لازما يكون في يوم في الاسبوع اجازه نريح فيه من كل المهام والتطبيقات والتكنولوجيا واي حاجه يوم لينا وبس
واخيرا هي ان احنا لازما نقضي وقت مع اهلنا واصحابنا وحبايبنا
وبكده وبكده نكون خلصنا اول ثلاث خطوات في صنع الوقت نيجي عند اخر خطوه وهي التفكير ده تقريبا بيكون تقييم لادائنا بنعمله اخر اليوم وبيكون من خلال خطوات التفكير العملي اولا بختار طريقه من الثلاث طرق واجرب انهي تنفع ليا وانهي ما تنفعش لحد ما اوصل لانسب حل وصلت ليه والاهم اني ابعد عن المثاليه اللي هترهقني وتزود التوتر لاننا بنحاول وبنغلط وبنتعلم من غلطنا وبنحاول تاني وبنغلط وبنتعلم برده
تعليقات
إرسال تعليق